सारा न्यूज नेटवर्क -
सेवा फाउंडेशनच्या वतीने आयोजित "माझा गणपती स्पर्धा २०२५" चा पारितोषिक वितरण आमदार सुभाष देशमुख आणि भाजपा शहराध्यक्षा रोहिणीताई तडवळकर यांच्या हस्ते करण्यात आले.
प्रकाश राठोड यांचे अभिनंदन त्यांनी लोकसहभागातून सार्वजनिक उपक्रम हाती घेतले - आमदार सुभाष देशमुख
प्रकाश राठोड यांच्या सारखे काम करणारे व्यक्ती लपत नाहीत, काम करणाऱ्यांना प्रत्येक क्षेत्रात संधी मिळत जाते - रोहिणी तडवळकर
सोलापूर (प्रतिनिधी) :-सेवा फाउंडेशनचे अध्यक्ष तथा माजी सहाय्यक आयुक्त श्री प्रकाशभाऊ राठोड यांच्या वतीने यंदा "माझा गणपती स्पर्धा २०२५" आयोजित करण्यात आली होती. शहरातील घरगुती तसेच सार्वजनिक मंडळाकरिता सदर स्पर्धा आयोजित करण्यात आली होती. पर्यावरण पूरक, शासनाच्या निर्देशानुसार, उत्तम सजावट, सामाजिक संदेश देणारे देखावे, प्रदूषणमुक्त तसेच लेझर लाईट न लावणाऱ्या करिता स्पर्धा आयोजित केली होती. या स्पर्धेत लॉटरी पद्धतीने २५ सभासदांची निवड करून दक्षिण सोलापूरचे आमदार सुभाष देशमुख आणि भाजपा शहराध्यक्षा रोहिणीताई तडवळकर यांच्या हस्ते पारितोषिक वितरण करण्यात आले.निवडलेल्या सभासदांकरिता मोठे आकर्षक बक्षीस , ट्रॉफी व प्रमाणपत्र देऊन सन्मानित करण्यात आले. सहभागी झालेल्या सर्व सभासदांना सहभाग प्रमाणपत्र आणि ट्रॉफी देऊन सन्मानित करण्यात आले.
पारितोषिक वितरणाचा कार्यक्रम सुंदरम मल्टीपर्पज हॉल, नेहरूनगर येथे संपन्न झाला. यावेळी अनेक कलाकार, नेते व पदाधिकारी या पारितोषिक वितरण सोहळ्याला उपस्थित होते. तरी घरगुती गणपती आणि सार्वजनिक मंडळाने या सोहळ्याचा आनंद घेत माजी सहाय्यक आयुक्त प्रकाश राठोड यांचे आभार व्यक्त केले. प्रशासकीय अनुभव असणाऱ्या प्रकाश राठोड यांच्याकडे उत्तम नेतृत्वगुण असल्याचे कौतुक लोकांनी करत होते. अशी माहिती सेवा फाउंडेशनच्या वतीने देण्यात आली आहे.
सारा न्यूज नेटवर्क
संपादक - राम हुंडारे
No comments:
Post a Comment