सारा न्यूज नेटवर्क -
जबरी घरफोडी करणारे सराईत चार गुन्हेगार अटकेत ;
गुन्हे शाखेची दमदार कारवाई..
सोलापूर (प्रतिनिधी ) :- जुळे सोलापूर हद्दीतील कोणार्क नगर व गोविंदश्री मंगल कार्यालयाजवळील घरात २५ ऑक्टोबरला दिवसा चोरी झाली होती. पोलिसांनी सीसीटीव्ही फुटेज पडताळले. शहर गुन्हे शाखेच्या अथक परिश्रमानंतर संशयितांना हेरले. दरम्यान, चोरी करून तुळजापूरला गेले, तेथे लॉजमध्ये राहिले. पुन्हा सोलापुरात चोरीसाठी आले. त्यावेळी शहर गुन्हे शाखेने सराईत चोघांना पकडले त्यात तिघे यवतमाळ जिल्ह्यातील तर एकजण वर्धा जिल्ह्यातील असल्याची माहिती मिळाली असून
सोलापूर शहरातील गोविंदश्री मंगल कार्यालया जवळील गौतम गायकवाड हे कुटुंबासह परगावी गेले होते. त्यांच्या घरात २५ ऑक्टोबर रोजी सायंकाळी सहाच्या सुमारास चोरी झाली होती. त्याच दिवशी दुपारी तीनच्या सुमारास कोणार्क नगरातही घरफोडी झाली होती.
विजापूर नाका पोलिसांत फिर्याद दाखल झाली आणि पोलिस चोरट्यांचा शोध घेऊ लागले. शहर गुन्हे शाखेचे सहायक पोलिस निरीक्षक विजय पाटील यांच्या नेतृत्वातील पथकास खबऱ्याकडून चोरट्यांबद्दल माहिती मिळाली. त्यानुसार जुना पूना नाका परिसरात संशयितरीत्या फिरणाऱ्या चौघांना पोलिसांनी पकडले, त्यांच्याकडे चौकशी केली असता त्यांनीच जुळे सोलापुरात घरफोड्या केल्याची बाब उघड झाली
शेरअली मोती सय्यद (वय २५, रा. इंदिरा नगर मशिदीजवळ, यवतमाळ), प्रसन्न प्रमोद मेश्राम (वय २४, रा. डीएड कॉलेज, भोसा रोड, यवतमाळ), चंदू हिरा भतकल (वय ३९. रा. बोरगाव, वर्धा) आणि रोशन पुरुषोत्तम प्रधान (वय २७, रा. अंबिका नगर, यवतमाळ) अशी त्या संशयितांची नावे आहेत. त्यांच्याकडून दोन्ही घरफोडीतील एक लाख १९ हजार रुपयांचा ऐवज जप्त करण्यात आला
ही कामगिरी पोलिस आयुक्त एम. राज कुमार, उपायुक्त डॉ. अश्विनी पाटील, सहायक पोलिस आयुक्त राजन माने,
शहर गुन्हे शाखेचे वरिष्ठ पोलीस निरीक्षक अरविंद माने यांच्या मार्गदर्शनाखाली सहाय्यक पोलीस निरीक्षक विजय पाटील पोलीस अंमलदार जाविद जमादार महेश शिंदे अनिल जाधव धीरज सातपुते आबाजी सावळे विठ्ठल यलमार राजू मुदगल तसेच सायबर पोलीस ठाण्याकडील प्रकाश गायकवाड मच्छिन्द्र राठोड यांनी पार पाडली.
सारा न्यूज नेटवर्क
संपादक - राम हुंडारे
No comments:
Post a Comment