सारा न्यूज नेटवर्क -
बोगस डॉक्टरांविरोधात राज्य सरकारची धडक कारवाई, विधानसभेत मोठी घोषणा
आमदार विजय देशमुख यांच्या तारांकित प्रश्नावर मंत्री हसन मुश्रीफ यांचे उत्तर
मुंबई : - राज्यात दिवसेंदिवस वाढत असलेल्या बोगस डॉक्टरांच्या विळख्याला आळा घालण्यासाठी राज्य सरकारने कंबर कसली आहे. आमदार Vijay Deshmukh यांनी विधानसभेत उपस्थित केलेल्या तारांकित प्रश्नाला उत्तर देताना वैद्यकीय शिक्षण मंत्री Hasan Mushrif यांनी राज्यभर विशेष मोहीम राबविण्यात येत असल्याची माहिती दिली.
काय म्हणाले मंत्री मुश्रीफ?
विधानसभेत बोलताना मंत्री मुश्रीफ म्हणाले, "बोगस डॉक्टरांमुळे नागरिकांचे आरोग्य धोक्यात येत आहे. याची गंभीर दखल घेत सरकारने जिल्हा व तालुका स्तरावर विशेष समित्या स्थापन केल्या आहेत. या समित्यांमार्फत संशयित बोगस डॉक्टरांचा शोध, त्यांच्या दवाखान्यांची तपासणी आणि दोषींवर कठोर कारवाई केली जाणार आहे."
'Know Your Doctor' उपक्रमातून मिळणार संरक्षण
नागरिकांच्या सुरक्षेसाठी सरकारने 'Know Your Doctor' हा नाविन्यपूर्ण उपक्रम सुरू केला आहे. याअंतर्गत प्रत्येक नोंदणीकृत डॉक्टरला QR Code देण्यात येणार आहे. नागरिक हा QR Code स्कॅन करून संबंधित डॉक्टरची महाराष्ट्र वैद्यकीय परिषदेकडील वैध नोंदणी तपासू शकतील. यामुळे बोगस डॉक्टरांना ओळखणे सोपे होणार आहे.
सरकार कटिबद्ध
"राज्यातील प्रत्येक नागरिकाचे आरोग्य सुरक्षित राहावे यासाठी सरकार पूर्णपणे कटिबद्ध आहे. बोगस डॉक्टरांविरोधातील ही मोहीम तीव्र करण्यात येईल आणि कोणालाही पाठीशी घातले जाणार नाही," असे आश्वासन मंत्री मुश्रीफ यांनी सभागृहात दिले.
ग्रामीण आणि शहरी भागात मोठ्या प्रमाणावर बोगस डॉक्टर कार्यरत असल्याच्या तक्रारी वाढल्या होत्या. या पार्श्वभूमीवर सरकारने उचललेले हे पाऊल महत्त्वाचे मानले जात आहे.
No comments:
Post a Comment