सारा न्यूज नेटवर्क -
सोलापूरच्या शिरपेचात मानाचा तुरा..!
- डॉ. व्ही.एम. वैद्यकीय महाविद्यालयाचे अधिष्ठाता डॉ. रित्विक जयकर यांना 'ग्लोबल चेंजमेकर अवॉर्ड 2026'
सोलापूर : - डॉ. वैशंपायन स्मृती शासकीय वैद्यकीय महाविद्यालय आणि छत्रपती शिवाजी महाराज सर्वोपचार रुग्णालय, सोलापूर (VMGMC & SCSMGH) साठी अभिमानाचा क्षण. महाविद्यालयाचे अधिष्ठाता डॉ. रित्विक जयकर यांना प्रतिष्ठित लोकमत वन वर्ल्ड समिट अँड अवॉर्ड्स - मॉरिशस 2026 अंतर्गत 'ग्लोबल चेंजमेकर अवॉर्ड 2026' ने सन्मानित करण्यात आले आहे.
मॉरिशस येथे आयोजित या आंतरराष्ट्रीय परिषदेत वैद्यकीय क्षेत्रातील उल्लेखनीय योगदानाबद्दल हा पुरस्कार प्रदान करण्यात आला.
ड. जयकर यांना हा पुरस्कार चार प्रमुख क्षेत्रातील योगदानासाठी देण्यात आला आहे -
1. सर्जिकल प्रॅक्टिसमधील उत्कृष्टता - जनरल आणि लॅप्रोस्कोपिक शस्त्रक्रियेतील तज्ज्ञता
2. वैद्यकीय संशोधनाला चालना - रुग्णसेवेसाठी उपयुक्त पुराव्यावर आधारित संशोधन
3. वैद्यकीय शिक्षणासाठी समर्पण - भविष्यातील आरोग्य व्यावसायिकांना मार्गदर्शन व प्रशिक्षण
4. दूरदर्शी नेतृत्व - आरोग्य सेवा आणि संस्थात्मक विकास बळकट करणे
डॉ. जयकर यांचा हा सन्मान म्हणजे क्लिनिकल उत्कृष्टता, संशोधन, शैक्षणिक विकास आणि आरोग्य नेतृत्वाप्रती असलेल्या त्यांच्या बांधिलकीची पावती आहे. ज्ञान, नाविन्य, समर्पित सेवा आणि दूरदर्शी नेतृत्वाच्या जोरावर आरोग्य क्षेत्राच्या प्रगतीत कसे योगदान देता येते, याचे उत्तम उदाहरण त्यांनी घालून दिले आहे.
"लीडरशिप म्हणजे पद नव्हे, तर लोकांच्या जीवनात बदल घडवणे आहे," हा त्यांचा विचारच त्यांच्या कार्यातून दिसून येतो.
या पुरस्कारामुळे संपूर्ण VMGMC व SCSMGH परिवारात आनंदाचे वातावरण असून, सर्व स्तरातून डॉ. जयकर यांच्यावर अभिनंदनाचा वर्षाव होत आहे. सोलापूरच्या वैद्यकीय क्षेत्रासाठी ही अत्यंत अभिमानास्पद बाब आहे.
No comments:
Post a Comment