अस्मितेचा विजयः 'बाप्या' चित्रपटातील आक्षेपार्ह शब्दाविरोधात संत रविदास सामाजिक प्रतिष्ठानच्या लढ्याला मोठे यश.
!
मोठी बातमी: 'चांभार चौकश्या' या शब्दावर श्री. गजानंद लिंबोरे यांचा तीव्र आक्षेप; निर्मात्यांनी मागितली लेखी माफी!
उल्हासनगर :- समाजहित आणि जातीय अस्मिता जपण्यासाठी लढणाऱ्या संतछथर रविदास सामाजिक प्रतिष्ठान या संघटनेच्या सातत्यपूर्ण पाठपुराव्याला आज मोठे यश मिळाले आहे. आगामी मराठी चित्रपट 'बाप्या' मधील एका विवादास्पद संवादामुळे चांभार समाजाच्या भावना दुखावल्या गेल्या होत्या. या संदर्भात प्रतिष्ठानचे संस्थापक श्री. गजानंद लिंबोरे यांनी आक्रमक भूमिका घेत निर्मात्यांकडे जाब विचारला होता, ज्याची दखल घेत चित्रपटाच्या निर्मात्यांनी आता लेखी माफी मागितली आहे.
नेमके प्रकरण काय होते?
'बाप्या' चित्रपटाच्या ट्रेलरमध्ये आणि संवादामध्ये 'चांभार चौकश्या' या वाक्प्रचाराचा वापर करण्यात आला होता. हा शब्द प्रयोग चांभार समाजाची प्रतिमा मलीन करणारा आणि समाजाचा अपमान करणारा असल्याचा आक्षेप संत रविदास सामाजिक प्रतिष्ठानने नोंदवला होता. समाजात अशा प्रकारचे शब्दप्रयोग चुकीचा संदेश पसरवतात, अशी भूमिका श्री. गजानंद लिंबोरे यांनी खंबीरपणे मांडली होती.
प्रतिष्ठानचा लढा आणि निर्मात्यांची शरणागती
या प्रकरणाचे गांभीर्य ओळखून श्री. गजानंद लिंबोरे यांच्या नेतृत्वाखाली प्रतिष्ठानने आक्रमक पवित्रा घेतला. याची दखल घेत चित्रपटाचे दिग्दर्शक आणि निर्माते समीर तिवारी यांनी अधिकृत पत्राद्वारे आपली भूमिका स्पष्ट केली. निर्मात्यांनी मान्य केले की, जरी हा शब्द एका विशिष्ट संदर्भात वापरला असला, तरी त्यातून समाजाच्या भावना दुखावल्या गेल्या आहेत ही वस्तुस्थिती आहे.
निर्मात्यांनी दिलेली आश्वासनेः
१. जाहीर माफीः निर्मात्यांनी चांभार समाजाची मनापासून माफी मागितली आहे.
२. शब्द कायमचा हटवणारः 'बाप्या' चित्रपट आणि त्याच्या ट्रेलरमधून तो आक्षेपार्ह शब्द तातडीने काढून टाकण्यात येईल, म्यूट केला जाईल किंवा बदलला जाईल.
३. तांत्रिक प्रक्रियाः विविध सोशल मीडिया प्लॅटफॉर्म आणि सेन्सॉर प्रक्रियेत हे बदल करण्यासाठी तांत्रिक कार्यवाही सुरू करण्यात आली आहे.
एकजुटीचा विजय
या यशाबद्दल बोलताना संस्थापक श्री. गजानंद लिंबोरे म्हणाले, "समाज कोणत्याही कलेच्या विरोधात नाही, परंतु कलेच्या नावाखाली जर एखाद्या समाजाची प्रतिष्ठा धुळीस मिळवली जात असेल, तर ते आम्ही कदापि सहन करणार नाही. हे यश संपूर्ण समाजाच्या एकजुटीचे आणि संघर्षाचे फळ आहे."
संत रविदास सामाजिक प्रतिष्ठानच्या या यशामुळे उल्हासनगरसह संपूर्ण महाराष्ट्रातून त्यांचे कौतुक होत आहे.
समाजाचा अवमान करणाऱ्या प्रवृत्तींविरुद्ध संघटना यापुढेही अशीच खंबीरपणे उभी राहील, असा विश्वास या निमित्ताने व्यक्त करण्यात आला.
सारा न्यूज नेटवर्क
संपादक - राम हुंडारे
No comments:
Post a Comment