सारा न्यूज नेटवर्क -
महर्षी मार्कंडेय महामुनींच्या रथोत्सवापूर्वी मार्गावरील खड्डे बुजवणे, वाढलेल्या झाडांच्या फांद्या तोडण्यासाठी मनपाला निवेदन..
सोलापूर (प्रतिनिधी) :- ९ ऑगस्ट रोजी नारळी पौर्णिमा (रक्षा बंधन) निमित्ताने सिध्देश्वर पेठेतील पद्मशाली ज्ञाती संस्थेच्या वतीने श्री मार्कंडेय मंदिर येथे कुलदैवत महर्षी मार्कंडेय महामुनींचे दर्शन घेण्यासाठी व पहाटे ४ वाजल्यापासून विविध धार्मिक कार्यक्रमांना प्रारंभ होतो. कुलदैवत महर्षी मार्कंडेय महामुनींचे दर्शन घेण्यासाठी समाज बांधवांचे पहाटेपासूनच गर्दी होत असते. नारळी पौर्णिमा (रक्षा बंधन) रोजी 'पद्मशाली समाजाचे कुलदैवत महर्षी मार्कंडेय महामुनींचे रथोत्सव' कार्यक्रम शहराच्या पूर्व भागातील विविध मार्गावरुन मोठ्या उत्साहात, धार्मिक वातावरणात आणि लाखोंच्या समाज बांधवांच्या सहभागाने मोठ्या थाटात परंपरेप्रमाणे दरवर्षी काढण्यात येतो.
सिध्देश्वर पेठेतील श्री मार्कंडेय मंदिर येथून विजापूर वेस, भारतीय चौक, श्री रत्न मारुती देवस्थान मार्गे (सुभाषचंद्र बोस उद्यान समोरुन), जमखंडी फूल, पद्मशाली चौक, कुचन नगर मार्गे, दत्तनगर, श्री मार्कंडेय सोलापूर रुग्णालय समोरुन, भद्रावती पेठ, जोडबसवण्णा चौक, श्री मार्कंडेय चौक (ताता गणपती चौक), राजेंद्र चौक, भुलाभाई चौक, जोडभावी पेठ (म्हेत्रे निवास) वळसा घालून, कन्ना चौक, औद्योगिक बँक, साखर पेठ, सोमवार पेठ, समाचार चौक, माणिक चौक, आजोबा गणपती समोरुन पुन्हा विजापूर वेस मार्गे सिध्देश्वर पेठेतील श्री मार्कंडेय मंदिर येथे सांगता होईल. सदरच्या मार्गावरुन रथोत्सव मार्गस्थ होणार आहे. रस्त्यांवरील 'खड्ड्यां'मुळे रथोत्सवाला घालबोट लागू नयेत, म्हणून 'तातडीने सदरचे खड्डे बुजवून घेणे तसेच सदरच्या मार्गावरील वाढलेल्या झाडांच्या फांदे तोडणे' आणि ९ ऑगस्ट रोजी श्री मार्कंडेय मंदिर येथे पहाटेपासूनच विविध धार्मिक कार्यक्रमांना सुरवात होत असल्याने 'परिसर स्वच्छ होण्यासाठी' आपल्या स्तरावर संबंधितांना आदेश व्हावेत, अशी विनंती करण्यात येत आहे. याप्रमाणे निवेदन सोलापूरातील पद्मशाली सखी संघमच्या वतीने अध्यक्षा मेघा इट्टम, सल्लागार ममता मुदगुंडी व कल्पना अर्शनपल्ली यांनी महापालिकेचे अतिरिक्त आयुक्त रवी पवार यांना समक्ष भेटून सादर केले.
सारा न्यूज नेटवर्क
संपादक - राम हुंडारे
No comments:
Post a Comment